ये ननदो के भईया
भोजपुरी करवा चौथ गीत_ ये ननदो के भईया।
घरवा आज हाली चली अईहा ये ननदो के भईया।
करब हम करवा चौथ के बरतिया,ये ननदो के भईया।
जबले ना अइबा पिया बरत नाही टूटी।
चलनी में मुहवा तोहार जबले ना लऊकी।
चनवा जब लऊकी हमके पनीया पिअइहा ये ननदो के भईया।
घरवा आज हाली चली अइहा.......।
दिन भर से भूखल बानी पनिओ ना पियली।
जीयत रहा सौ साल मनौती हम कइली।
अपने ही हथवा हमार चौथिया पुरइहा
ये ननदो के भईया।
घरवा आज हाली चली अइहा.........।
तोहारे ही खातिर पिया कइली हम बरत हो।
संगवा ना रहबा त होई सब बे अर्थ हो।
जबले रही जिनगी हमसे प्यार खूब जतइहा ये ननदो के भईया।
घरवा आज हाली चली अइहा ये ननदो के भईया।
गीत
श्याम कुंवर भारती
बोकारो, झारखंड
मो.9955509286
kashish
12-Nov-2023 11:03 AM
Nice
Reply
Mohammed urooj khan
06-Nov-2023 12:17 PM
👌🏾👌🏾👌🏾👌🏾👌🏾
Reply
Shashank मणि Yadava 'सनम'
02-Nov-2023 08:39 AM
सुन्दर गीत
Reply